အပြုံးတွေနဲ့ ဆုံတွေ့ကြမယ်..

တစ်နဲ့တစ်ပေါင်းရင် နှစ်ရတာဟုတ်ပေမဲ့..
ရေစက်လေးတွေပေါင်းကြည့်တော့ရေတစ်စက်နဲ့ရေတစ်စက်ပေါင်းတဲ့ အခါမှာတော့..
နှစ်စက်မရဘူး။ ရေတစ်စက်ပဲရတယ်နော်။

အဲ့ဒီလိုပဲ အယူအဆတစ်ခုဟာရှေ့နောက်ဆီလျော်ညီညွတ်နေပေမဲ့ လက်တွေ့ဘ၀မှာ မမှန်နှိင်မဖြစ်နှိင်တာမျိုးရှိတတ်ပါတယ်။
တွေ့ဆုံချိန်မှာ မိုးရွာချင်ရွာနေမယ်၊ နေသာချင်သာနေလိမ့်မယ်။
ဒါပေမယ့် ရင်ထဲမှာ စိတ်လှုပ်ရှားမှု၊ အပျော်တွေ ကိုယ်စီရှိနေကြတယ်။

မြို့က အကျယ်ကြီး၊ ကမ္ဘာကြီးကလည်း မသေးဘူး။
ဒီလို ကြီးမားကျယ်ပြန့်တဲ့ နေရာမှာ အချင်းချင်းတွေ့ဆုံဖို့ ဆိုတာကို တစ်ခါမှ မတွေးခဲ့မိဘူး။
လူတစ်ယောက်ကို သိဖို့လွယ်ပေမယ့် တွေ့ဆုံဖို့ဆိုတာ ခက်ခဲလွန်းတယ်။
တစ်နေရာစီမှာရှိနေကြတဲ့ အစက်လေး နှစ်စက်အတွက် တွေ့ဆုံဖို့ဆိုတာ မလွယ်ကူခဲ့ပါဘူး။

ဒါပေမယ့်... တွေးကြည့်ခဲ့ဖူးရဲ့လား?
လူတွေ သိန်း၊ သန်းပေါင်းများစွာ စုရုံးနေတဲ့ ဂြိင်္ုလ်ပြာကြီးထဲမှာ..ဘာကြောင့် ငါတို့တွေ့ဆုံခဲ့ကြသလဲ?

ငယ်ငယ်တုန်းက နားထောင်ခဲ့ဖူးတဲ့ ရာဇဝင်ပုံပြင်ထဲမှာ....
ရေသူမလေး ရေပြင်ပေါ်ဘွားခနဲ့ ပေါ်လာတဲ့အချိန် မင်းသားရဲ့သင်္ဘောလည်းအဲဒီနေရာကို ဖြတ်သွားတဲ့အချိန်ဖြစ်နေတယ်။
တောထဲမှာ မင်းသားလှည့်လည်နေတဲ့အချိန် မျှော်လင့်မထားဘဲ စနှိုးဝိုက်နဲ့ တွေ့ဆုံခဲ့တယ်။
တွေ့ဆုံခြင်းက ဒီလောက်ပဲ တိုက်ဆိုက်နိုင်ခဲ့သလား?
အဲဒီတွေ့ဆုံခြင်းမှာ..နင်ရှိခဲ့တယ်၊ ငါရှိခဲ့တယ်။

တစ်ချိန်တည်း၊ တစ်နေရာတည်းမှာ အချင်းချင်း တွေ့မြင်ကြပြီဆိုရင် ....
တွေ့ဆုံခြင်း..ပါတဲ့

ဂျပန်ကား "Now and Then" က ဇာတ်လိုက်တွေက ဇာတ်လမ်းရဲ့နောက်ဆုံးမှာ..
ဖဲကြိုးရှည်တွေ လွတ်ပြီး ဒီအချိန်၊ ဒီနေရာမှာ ဒီလူတွေရှိခဲ့ကြတယ်ဆိုတာကိုအထိမ်းအမှတ် လုပ်ခဲ့ကြတယ်။
ဒါပေမယ့် လူအများရဲ့ တွေ့ဆုံခြင်းမှာ..နှုတ်ဆက်ခြင်း၊ အထိမ်းအမှတ်ပြုခြင်းတွေ မရှိခဲ့ကြဘူး။

တစ်ချို့ရဲ့တွေ့ဆုံခြင်းက မျဉ်းကြားမှာလမ်းဖြတ်ကူးသလိုပဲ ပုခုံးချင်းတိုက် မျက်နှာလွှဲခဲ့ကြတယ်။
နှုတ်ဆက်ဖို့ဆိုတာဝေးလို့ သူတို့အနားမှာ ပုခုံးချင်း ပွတ်တိုက်သွားတဲ့ လေစိမ်းတွေသာ ကျန်ရစ်ခဲ့တယ်။

တကယ်တော့ တွေ့ဆုံဖို့ဆိုတာ မလွယ်လှပါဘူး။ လုံးဝ မလွယ်လှပါဘူး။
တစ်ခါတလေမှာ ဒီလူ၊ ဒီလူနဲ့ ဒီနေရာမှာ အရမ်းတွေ့ချင်မိတယ်။
တစ်ခါလောက်ဒီလူ၊ ဒီလူနဲ့ ထပ်ဆုံချင်ပေမယ့် တွေ့ဆုံခြင်းက ဝေး,ဝေးနေခဲ့တယ်။
ဒါကြောင့် အချင်းချင်း တွေ့ဆုံချိန်မှာ တန်ဖိုးထားကြပြီး နွေးထွေးမှု၊ အကြင်နာတွေ ပိုပါစေ။

ခွဲခွါခါနီးမှာ "see you"လို့ ပြောဖို့ မမေ့ပါနဲ့။

အပြုံးတွေနဲ့ တွေ့ဆုံကြမယ်၊
အပြုံးတွေနဲ့ ခွဲခွါကြမယ်။
အပြုံးတွေနဲ့ နောက်ထပ်တစ်ခါ တွေ့ဆုံကြစို့....

fw mail ထဲကနေ ပြန်လည်မျှဝေခြင်းပါ...
မည်သူရေးသားသည် မသိပါကြောင်း..

ဝမ်းနည်းခြင်းနဲ့ ၀မ်းမြောက်ခြင်း

ဒီနေ့ ဒီဇင်ဘာ၁၀ရက်နေ့က အဝေးရောက်နေတဲ့ ကျွန်မညီမမွေးနေ့ပါ..
ဒီနှစ်ဟာ သူ့ရဲ့မွေးနေ့ရက်တိုက်ဆိုင်တဲ့နေ့ပေါ့.. သူကသောကြာနေ့ဖွားသမီး.
ဒီအတောအတွင်း ကျွန်မ လက်အခြေအနေမကောင်းလို့ စာမရိုက်နိုင်တာကြောင့် ပိုစ့်အသစ်တွေလည်း မတင်ဖြစ်ခဲ့ဘူး။

ဒီကြားထဲ အမေနဲ့ညီမတစ်ယောက်က ရိပ်သာခဏ၀င်တာရယ်..ဘာရယ်နဲ့ဆိုတော့ အိမ်မှာက
အသက်ကြီးတဲ့အဖွားနဲ့ ကျွန်မသာရှိတယ်၊ ကူဖော်လောင်ဖက်တော့ ရှိတာပေါ့..
အဲဒီအချိန်အတွင်း ၁၀နှစ်လောက်ဝေးကွာသွားတဲ့ မောင်ဖြစ်သူမိသားစုက ပြန်ရောက်လာကြ.. အဖွားက သိပ်ကျန်းကျန်းမာမာမဟုတ်တော့..
ကျွန်မကလည်း ဘာဖြစ်ညာဖြစ်…
ကိစ္စများမြောင်လူတို့ဘောင်ဆိုတာ ဒါပဲလား..။

အမေတို့က ၁ရက်နေ့ပြန်ရောက်ကြတယ်..
၃ရက်နေ့က ၀မ်းကွဲမောင်လေး မိသားစုက ဖွားဖွားကိုလာကန်တော့ကြတယ်။ မြေးအဖွားတွေ စကားဖောင်ဖွဲ့လို့ပေါ့….။
၅ရက်နေ့ နေ့လည်ဖက်ရောက်တော့ ဖွားဖွားက ချွဲကြပ်လာပြီး စကားမပြောတော့ဘူး။
ဘကြီးတစ်ယောက်က လာကြည့်ပေးတယ်။ အနီးအဝေးဆွေမျိုးတွေအားလုံး အကြောင်းကြားထားဖို့..
၆ရက်နေ့ မနက်စောစော ၃နာရီမထိုးခင်မှာပဲ ဖွားဖွားရဲ့ ရုပ်နာမ်ခန္ဓာချုပ်ငြိမ်းသွားတယ်။
သက်တောင့် သက်သာပါပဲ..။
၈ရက်နေ့က အသုဘချတဲ့နေ့…
နေ့ရက်ဆက်တိုက် ဧည့်ခံ၊ ဟိုလုပ်ပေး ဒီလုပ်ပေး။
ကိုယ်တတ်နိုင်သလောက်လေး စီစဉ်ပေးရုံပါပဲ့…

၁၀ရက်နေ့ ညီမမွေးနေ့ကိုတောင် အသေအချာ့ ဘာမှမလုပ်ပေးနိုင်တော့ဘူးပေါ့..။
ပထမတော့ ကျွန်မညီမမွေးနေ့ကို သူစားချင်တဲ့ မြန်မာအချဉ်ထုတ်၊ လဖက်တို့ကိုပို့ပေးမယ်ဆိုပြီး စာတိုက်ကို အစားအစာပို့ရမရ မေးမြန်းစုံစမ်းခဲ့သေးတယ်..။
ခုတော့..ဘာကိုမှမလုပ်ပေးနိုင်လို့ အဲဒီအတွက် စိတ်တော့မကောင်းဘူးပေါ့..
၁၂ရက်နေ့က ဖွားဖွားရက်လည် ရှိသေးတာကိုး..

မွေးနေ့ရှင်ကိုယ်တိုင်ကလည်း စိတ်မတည်ငြိမ်တော့ဘူး.. အဖွားအတွက် သူတတ်နိုင်သလောက် လုပ်ချင်တာတွေလုပ်ခိုင်း လှူခိုင်းနဲ့ပါပဲ..
ဖုန်းခဈေးကြီးလို့ ဖုန်းဆက်ဖို့ခဲယဉ်းတဲ့သူက တစ်နေ့ကို ဖုန်း သုံးလေးခါဆက်လေရဲ့..
ဒါနဲ့ သူ့ဆန္ဒကိုပဲ မဖြစ်ဖြစ်အောင် ဖြည့်ဆည်းပေးနေမိတယ်.

ဖွားဖွားက အသက်ရှည်ပြီး နောက်ဆုံးထွက်သက်မှာလည်း ညင်ညင်သာသာဖြစ်သွားလို့ ကျွန်မတော့ ဖြေသာပါတယ်. နောက်ဆုံးအချိန်လေးမှာ…ဖွားဖွားအတွက် အကောင်းဆုံးဖြည့်ဆည်းပေးခဲ့လို့လည်း ကျေနပ်ရတာပါပဲ။
ဖွားဖွားလည်း ကောင်းရာသုဂတိလားပါစေလို့ ဆန္ဒပြုရင်း..
ကျွန်မ ညီမရဲ့မွေးနေ့ကိုပါ ဒီကနေပဲ တစ်ခါတည်းတိတ်တဆိတ် ဆုတောင်းပေးနေမိတယ်။
လူတစ်ယောက် မွေးဖွားလိုက်ခြင်းဟာ ၀မ်းမြောက်ခြင်းဖြစ်ပြီး၊ လူတစ်ယောက်သေဆုံးခြင်းကတော့ ၀မ်းနည်းခြင်းဖြစ်တယ်လို့ ခံယူကြတယ်လေ။

လူ့ဘ၀ဆိုတာ မွေးဖွားခြင်းနဲ့စပြီး. သေဆုံးခြင်းမှာ အဆုံးသတ်ကြရမှာပါပဲ…။
ဒါကြောင့် အကောင်းဆုံးဖြစ်အောင် နေထိုင်နိုင်ကြဖို့၊ အကောင်းဆုံးတွေ လုပ်ဆောင်သွားကြဖို့ လိုပါတယ်။ အလင်းထဲရောက်နေကြသူတို့အဖို့ အလင်းရှိရာကိုသာ သွားဖို့ကြိုးစားကြရမှာမယ် ဆိုတာကို သဘောပေါက်မိရင်း....။

ကထိန်အလှူ

အလှူအားလုံးထဲမှာ ကထိန်အလှူဟာ အထူးခြားဆုံးအလှူပါ။

ဘာလို့လဲဆိုတော့..ကထိန်အလှူကြောင့် ကထိန်ခင်းတဲ့ ရဟန်းတော်တွေမှာ လိုက်နာကျင့်သုံး စရာ သိက္ခာပုဒ်ဝန်ထုပ်တစ်ချို့ သက်သာခွင့်ရသွားလို့ပါပဲ..။

ကထ်ိန်သင်္ကန်းကို ပြည့်ပြည့်စုံစုံပြောမယ်ဆိုရင်တော့ ကထိန်လျာသင်္ကန်းလို့ ပြောရမှာပေါ့။

ဘုရားဖြစ်ဖို့လျာထားတဲ့ပုဂ္ဂိုလ် ဘုရားဖြစ်ဖို့သေချာတဲ့ပုဂ္ဂိုလ်ကို ဘုရားလောင်းလျာ၊ ဘုရားလျာ လို့ဆိုရပါတယ်။ အဲဒီလိုပဲ ကထိန်ခင်းဖို့လျာထားတဲ့ သင်္ကန်း၊ ကထိန်ခင်းဖို့သေချာတဲ့သင်္ကန်း ကိုလည်း ကထိန်လျာသင်္ကန်းလို့ ခေါ်ပါတယ်။

အဲဒီကထိန်သင်္ကန်းကို မိုးကျသင်္ကန်းလို့လည်းခေါ်ပါတယ်။ မိုးပေါ်ကနေ မိုးရေပေါက်တွေ ကျလာတာဟာ သူ့သဘာဝအတိုင်း ရေခိုးရေငွေ့တွေစုပေါင်းပြီး ကောင်းကင်ပေါ်မှာ ရပ်တည် နိုင်စွမ်းမရှိတော့တဲ့အခါ မိုးပေါက်လေးများအဖြစ်နဲ့ အလိုလျောက်ကျဆင်းလာခြင်းပဲဖြစ်ပါ တယ်။ ထိုကဲ့သို့ ဘယ်သူ့ပယောဂမှမပါပဲ အလိုလျောက်သံဃာတော်များခင်းမယ့်သင်္ကန်းကို မိုးကျသင်္ကန်းလို့ ခေါ်ပါသေးတယ်။

အဲဒီနောက် မသိုးသင်္ကန်းဆိုတာလည်း ရှိပါသေးတယ်။ ရွှေတိဂုံစေတီတော်မြတ်ကြီးကို ယခုတိုင် မသိုးသင်္ကန်းရက်လုပ်ကာ နှစ်စဉ်ဆက်ကပ်ပူဇော်ပါတယ်။ ကျွန်မကိုယ်တိုင် သဘောပေါက်မိတာက တစ်နေ့တည်းပြီးအောင်ရက်လုပ်ရလို့ မသိုးသင်္ကန်းဆိုတာ မှတ်သား ဖူးပါတယ်။ အမှန်တော့ ဒီနေ့လှူတဲ့သင်္ကန်းဟာ မသိုးသင်္ကန်းပါပဲတဲ့။

ဒီနေ့ချက်ထားတဲ့ ထမင်းတွေဟာ တစ်နေ့တာလွန်သွားရင် သိုးသွားတတ်ပါတယ်။ ထို့တူ ကထိန်ခင်းဖို့ လှူဒါန်းထားတဲ့သင်္ကန်းကို နောက်နေ့အရုဏ်တက်ချိန်ထိ မခင်းဖြစ်ဖူးဆိုရင် တော့ သိုးတဲ့သင်္ကန်းလို့ယူဆပါတယ်။ ဒါ့ကြောင့် နောက်နေ့အရုဏ်မတက်ခင်အတွင်း ပြီးအောင် ကထိန်ခင်းကြရပါတယ်။

သတိပြုရမယ့်အချက်က တစ်ချို့ကထိန်အလှူရှင်များက ကထိန်ခင်းမယ့်ရက်မရောက်ခင် ကထိန်သင်္ကန်းကို ကျောင်းမှာလှူထားတတ်ကြပါတယ်။ အဲဒီလိုမျိုး ကထိန်မခင်းမီ သင်္ကန်းကို အပြီးတိုင် လှူထားလို့မရပါဘူး။ အပ်နှံရုံသာ အပ်နှံထားရမှာဖြစ်ပါတယ်။ (ကျွန်မတို့တစ်ခါက အဲဒီလိုကြိုတင်လှူခဲ့ဖူးလို့ပါ)

နောက်တနည်းကတော့ ကထိန်သင်္ကန်းကို ဉတ်သင်္ကန်းလို့လည်းခေါ်ပါတယ်။ သိမ်ထဲမှာ သံဃာတော်များက ဉတ်ကမ္မာဝါစာတွေရွတ်ဖတ်ပြီးတော့မှ ကထိန်ခင်းမယ့်ရဟန်းကို သံဃာ့ သဘောတူချက်နဲ့ ကထိန်လျာသင်္ကန်း ပေးရပါတယ်။ သင်္ကန်းနွမ်းပါးတဲ့ရဟန်းကို ကထိန်လျာ သင်္ကန်းပေးရပါတယ်။

သင်္ကန်းနွမ်းပါးတဲ့ရဟန်းတွေများနေရင် အကြီးဆုံးမထေရ်ကိုပေးရ ပါတယ်။ ထိုရဟန်းတော်က ကထိန်ခင်းရပါတယ်။ ထိုသို့ပြုလုပ်ရတဲ့သင်္ကန်းဖြစ်တာကြောင့် ဉတ်သင်္ကန်း လို့ခေါ်ခြင်းဖြစ်ပါတယ်။ ဉတ်ဆိုတာ ဉတ္တိဆိုတဲ့ပါဠိကလာပြီး မြန်မာလိုအနက်မှာ အသိပေးခြင်း၊ ကြေငြာခြင်းပဲဖြစ်ပါတယ်။

ထို့ကြောင့် ကထိန်သင်္ကန်းကို (၁) မိုးပေါ်ကျသင်္ကန်း (၂) မသိုးသင်္ကန်း (၃) ဉတ်သင်္ကန်းလို့ အသီးသီးခေါ်ဆို ကြပါတယ်။

သင်းပိုင်၊ ဧကသီ၊ ဒုကုဋ် သင်္ကန်းသုံးမျိုးရှိတဲ့အထဲကမှ သင်္ကန်းတစ်ထည်ထည်နဲ့ပဲ ကထိန်ခင်းလို့ရပါတယ်။

ကထ်ိန်သင်္ကန်းကပ်လှူခြင်းနဲ့ပတ်သတ်လို့ သိသင့်တာလေးတွေကို အရှင်ဆန္ဒာဓိကရဲ့ အိုဘယ့်အလှူရှင် စာအုပ်မှ ကိုးကားတင်ပြခြင်းဖြစ်ပါတယ်။

ပုံကို google မှယူပါသည်။

မုသားများနဲ့လူသားများ

ငါးပါးသီလထဲမှာ လူတော်တော်များများ ချိုးဖောက်မိတဲ့သီလကတော့ မုသာဝါဒပဲဖြစ်ပါလိမ့် မယ်။ စကားစကားပြောပါများ စကားထဲကအမှားပါဆိုသလိုပါပဲ စကားများများပြောခြင်း ဟာလည်း မကောင်းပါဘူး။ တစ်ချို့က စကားတော်တော်များများ ပြောနိုင်ကြပါတယ်။ အကြောင်းအရာ တစ်ခုနဲ့တစ်ခု မထပ်ရအောင် တစ်ထိုင်တည်းကို ပြောလေ့ရှိတတ်ကြ ပါတယ်။ စကားပြောရာမှာ စကားထဲက ဗဟုသုတရစရာကောင်းတာ မှတ်သားသင့်တာများ ကိုတော့ သဘောကျပါတယ်။ အဲဒီလိုမှမဟုတ်ပဲ အကျိုးမရှိတဲ့ အရေမရအဖတ်မရ အလ္လာပ သလ္လာပ စကားမျိုးကိုတော့ ကျွန်မကိုယ်တိုင် ကြာကြာနားထောင်ချင်စိတ်မရှ်ိတတ်ပါဘူး။ ပြီး တော့ထပ်တလဲလဲ ပြောတတ်သောစကားများ၊ သိပြီးသားအကြောင်းအရာများကိုကြိမ်ဖန်များ စွာပြောခြင်းတို့ ပဲဖြစ်ပါတယ်။

တစ်ခါတစ်ရံ သူများအကြောင်းကို ကောင်း၏ ဆိုး၏ ဝေဖန်ပြောဆိုနေကြခြင်းဟာလည်း အချိန်ကုန်ပြီး အကျိုးမရှိသလို၊ ၀စီကံအပြစ်လည်းဖြစ်ပါသေးတယ်။ ကိုယ်ကောင်း၏ ဆိုး၏ ကိုသာ သိပြီးဝေဖန်ပိုင်းခြားဖို့ လိုပါတယ်။ ၀စီကံကို မုသာဝါဒ တစ်ခုတည်း ရှောင်ကြဉ်ရမှာ မဟုတ်ပါဘူး။ ၀စီကံ ၄ပါးလုံးကို သတိထားကာ ရှောင်ကြဉ်ရပါမယ်။

လူ၂ယောက်ကို အချင်းချင်းမတည့်အောင် ကုန်းချောကုန်းတိုက် စကားပြောခြင်းကလည်း ကိုယ့်အတွက် ကောင်းကျိုးဘာများရနိုင်မှာမို့လဲလို့ စဉ်းစားမိပါတယ်။ အဲဒီနောက် ကြမ်းတမ်းတဲ့ စကားများကိုဆိုခြင်းပါ. ကြမ်းတမ်းတဲ့စကားများကို ဘယ်သူမှနားဝင်ချိုမယ် မထင်ပါဘူး။ ကြမ်းတမ်းတဲ့စကားများကို ဆဲဆိုပြောဆိုနေခြင်းထက် ညင်သာတဲ့စကားကို ရွေးခြယ်ပြောဆိုခြင်းက လူချစ်လူခင်ပေါများစေပါတယ်။

ဝစီကံ၎ပါးမှာ -မုသာဝါဒ၊ ပိသုဏ၀ါစာ၊ ဖရုသ၀ါစာ၊ သမ္ဖပ္ပလာပ၀ါစာ ဆိုပြီးရှိတာ လူတိုင်း သိကြပါတယ်။ ၄မျိုးစလုံးကတော့ မကောင်းပေမယ့် မုသာဝါဒကိုသာ ချိုးဖောက်လွယ်ကြ တာပါ။ ကုန်းချောစကားများနဲ့ ကြမ်းတမ်းတဲ့စကားများက ရှောင်ကြဉ်နိုင်ဖို့ လွယ်ကူပါသေး တယ်။ မုသာဝါဒ- မမှန်သည်ကို သိလျှက်နှင့် မှန်သည်ဟုပြောဆိုခြင်းကိုသာ ခေါ်ပါတယ်။ တစ်ခါတစ်လေမှာ ကိုယ်ကကြွားချင်လွန်းလို့ မမှန်တာတွေပြောမိတတ်ပါတယ်။ အပိုစကား တွေပေါ့၊ ဟုတ်တာထက် မဟုတ်တာတွေကများလာတတ်ပါတယ် ။ ဒါကိုသတိထားတတ်ဖို့ လိုပါတယ်။ နောက်တစ်ချက်ကတော့ ကိုယ့်အကျိုးစီးပွားဖြစ်ဖို့အတွက် တစ်ဖက်လူကို မဟုတ် တာ၊ မမှန်တာတွေပြောတတ်တာမျိုးပဲဖြစ်ပါတယ်။ ကိုယ့်ကိုအထင်ကြီးစေချင်တာတွေလည်း ပါမှာပါ။ ဒါတွေဟာ မုသာဝါဒဖြစ်တာပါပဲ။ မဟုတ်တာ၊ မမှန်တာမှန်းသိလျှက် ပြောနေခြင်းများ သာဖြစ်ပါတယ်။

မုသားမပါ လကာင်္မချောဆိုတဲ့ စကားကိုလည်း လှူတော်တော်များများသုံးနှုန်းတတ်ပါတယ်။ အမှန်တော့ အဲဒီစကားဟာလွဲမှားခြင်းအကြောင်းအရာပါပဲ။ မုသားမပါ လင်္ကာမချောဆိုတာက စကားအရာမှာချောမွေ့ဖို့အတွက် မုသားသုံးရမလိုဖြစ်နေပါတယ်။. အောက်ပါ ကံလေးပါးကို ရှောင်ကြဉ်ပြီးပြောဆိုရင်တော့ မုသာဝါဒမဖြစ်ပါဘူး။ ဒါကြောင့် မုသာဝါဒကံမမြောက်ဖို့ ရှောင် သင့်တဲ့ အင်္ဂါက လေးပါးရှိပါတယ်။

၁။မဟုတ်မမှန်တဲ့ဝတ္ထုဖြစ်တာကတစ်ပါး၊
၂။လှည့်စားလိုတဲ့စိတ်ရှိတာကတစ်ပါး၊
၃။လှည့်စားလိုတဲ့စိတ်အားလျော်စွာလုံ့လပြုတာကတစ်ပါး၊
၎။ အဲသည် အဓိပ္ပာယ်ကို နားလည်သွားတာကတစ်ပါး။

အဲဒီစိတ်အရင်းခံတာ မဟုတ်ရင်တော့ မုသာဝါဒမြောက်တယ်လို့မဆိုနိုင်ပါဘူး။ သူ့အကျိုး အတွက် သူ့ကိုညာရခြင်းမျိုးပါ။ ကိုယ်က လိမ်ညာချင်တဲ့စိတ် အမှန်တကယ်မရှိပဲ သူ အကျိုးရှိ အောင် လ်ိမ်ညာပြောဆိုရခြင်းမျိုးပါ။ ဥပမာ။ ။ ဆရာဝန်တစ်ဦးရဲ့ ညွှန်ကြားချက်နဲ့ လူတစ်ဦး တစ်ယောက်ကို သူကျန်းမာလာဖို့ လိမ်ညာပြောဆိုပေးရခြင်းမျိုးဖြစ်ပါတယ်။ တစ်ခါတစ်ရံ လူတစ်ဦးတစ်ယောက်က အခြားသူတစ်ဦးကို စိတ်ဆိုးမည့်ကိစ္စများကြုံလာပါက စိတ်မဆိုးဖို့ လိမ်ညာကာ ကိုယ်ကကြားဝင်ပြောပေးရခြင်းမျိုးတွေရှိပါတယ်။ ဒါမျိုးတွေကို မုသာဝါဒလို့ ပြောလို့မရပါဘူး။ ဘာလို့လဲဆိုတော့ အထက်ကဖော်ပြထားတဲ့အချက်၎ချက်နဲ့ မကိုက်ညီ တော့လို့ပါပဲ။

ကျွန်မမှာ အသက်အရွယ်ကြီးမားတဲ့ အဖွားတစ်ယောက်ရှိပါတယ်။ အသက်ကြီးလာတော့ စိတ်အလိုမကျတာတွေများလာပါတယ်။ သူစားချင်တာကို မရမက၀ယ်ပေးရတတ်ပါတယ်။ အဲဒီအခါမျိုးမှာ ကျွန်မတို့တစ်တွေ အခက်တွေ့ရပါတယ်။ သူစားချင်တဲ့အစားအစာက တစ်ခါတစ်လေ မရတတ်တာမျိုးရှိသလို၊ သူစားခဲ့တုန်းက ဆိုင်တွေကလည်း ခုချိန်မှာမရှိတော့ ပါဘူး။ ဒါကြောင့်မို့ ရတဲ့နေရာကရသလိုဝယ်ပေးပေမယ့် သူက သူစားနေကျ အရသာမဟုတ် မှန်းသိတဲ့ အခါမျိုးမှာ လိမ်ညာပြောဆိုကြရပါတော့တယ်။ ဒါကလည်း အမှန်အတိုင်းပြောရင် သူက လက်မခံတတ်လို့ပါ။ အဖွားကိုလုပ်ကိုင်ပေးကြရတဲ့ ညီမငယ်များကလည်း လိမ်ညာ ပြောဆိုကြရတဲ့အတွက် အင်မတန်စိတ်ညစ်ရပါတယ်။ အသက်ကြီးတဲ့သူတစ်ယောက်ကို လိမ်ညာပြောဆိုရလို့ ငရဲကြီးမယ်လို့ထင်ကြတဲ့အတွက် မုသာဝါဒမြောက်တဲ့ ကံ၎ပါးမပါရင် မုသာဝါဒမှကင်းလွတ်ကြောင်း သိရတော့မှ ကျွန်မတို့တစ်တွေ စိတ်ဒုက္ခမှ ကင်းဝေးရပါတယ်။

ခုလို မုသာဝါဒမြောက်တဲ့ ကံ၎ပါးကိုသေချာသိမှပဲ သူတို့လည်း နားလည်သဘောပေါက်ခဲ့ရ ပါတယ်။ ဒါကြောင့် ဒီကံ၎ပါးကိုနားလည်ရင်ဖြင့် မုသာဝါဒကံကို ကျူးလွန်တယ် မကျူးလွန်ဘူး ဆိုတာ ကိုယ့်ကိုကိုယ်သိနိုင်ပါတယ်။

ကျွန်မတို့တစ်တွေ မုသားကင်းနိုင်ကြအောင်ပါ။

မှတ်ချက်။ ။ ဤပိုစ့်ကြောင့် မည်သူ့ကိုမျှမထိခိုက်စေလိုပါ..

သီတင်းကျွတ်ကန်တော့ပန်း

သီတင်းကျွတ်လပြည့်နေ့ (အဘိဓမ္မာအခါတော်နေ့) ဟာ မြတ်စွာဘုရားရှင် တာဝတိံသာမှာ မယ်တော် သန္တုဿိနတ်သားကို ၀ါတွင်းသုံးလပတ်လုံး အဘိဓမ္မာတရားဟောကြားပြီး လူ့ပြည် လူ့ရွာကို ပြန်လည် ဆင်းသက်လာခဲ့တဲ့နေ့ဆိုတာ ဗုဒ္ဓဘာသာဝင်တိုင်း သိရှိကြပါလိမ့်မယ်။ ကျွန်မတို့ရဲ့ မြတ်စွာဘုရားရှင်က ၀ါတွင်းသုံးလလုံးလုံးကို မိခင်နို့၇ရက်တိုက်ကျွေးခဲ့တဲ့ မယ်တော်ရင်း မဟာမာယာဒေ၀ီကနေ ဘ၀ပြောင်းသွားတဲ့ သန္တုဿိတနတ်သားကို အဘိဓမ္မာ တရားဟောကြားပေးခြင်းဖြင့် သောတာပန်ဖြစ်အောင် ဓမ္မနို့ရည်တိုက်ကျွေးခဲ့တယ်လို့ဆိုပါ တယ်။ သောတာပန်မှ မကြာမီအချိန်အတွင်း ရဟန္တာဖြစ်ဖို့သေချာသွားတဲ့အတွက်လည်း မြတ်စွာဘုရားရှင်ကိုယ်တော်မြတ်ဟာ မိခင်ရဲ့ကျေးဇူး (နို့နှစ်လုံးဖိုး) အကျေဆပ်ခဲ့တယ်လို့ သိရ ပါတယ်။

ဗုဒ္ဓစာပေကိုမှီငြမ်းတဲ့ မိဘမေတ္တာဖွဲ့တွေမှာ မြတ်စွာဘုရားရှင်တောင်မှ မိခင်ကျေးဇူးကို နို့ တစ်လုံးဖိုးပဲ ကျေအောင်ဆပ်နိုင်ခဲ့တယ် ဆိုတဲ့အချက်ကိုတွေ့ရတော့ သိပ်ကို အံ့သြမိပါတယ်။
ပိဋကတ်တော်ထဲမှာ မပါတာကို ပါသလိုရေးသားပြောဆိုတာဟာ အရမ်းကိုအပြစ်ကြီးပါတယ်။ ဤအချက်ကို ဘုရားရှင်ကိုယ်တော်တိုင် မဟောကြားခဲ့သလို၊ အဋ္ဌကထာဆရာ၊ ဋ္ဋီကာဆရာ တွေကလည်း ဖွင့်ဆိုထားခြင်းမရှိပါဘူး။ ဘုရားတောင်မှ မိဘကျေးဇူးနို့တစ်လုံးဖိုးပဲကျေတယ် လို့ပြောတဲ့သူဟာ ဘုရားကိုလည်း စော်ကားရာရောက်သလို တရားကိုလည်း ဖျက်ဆီးရာ ရောက်ပါတယ်လို့ အရှင်ဆန္ဒာဓိကရဲ့ စာအုပ်မှာဖတ်ရပါတယ်။

ထို့သို့ မြတ်စွာဘုရားရှင်ကိုယ်တော်တိုင် မိဘကျေးဇူးအကျေဆပ်နိုင်ခဲ့သလို ကျွန်မတို့လို လူသားတွေအဖို့လည်း ကျေးဇူးဆပ်နည်းများကို. “ချစ်သား ချစ်သမီးတို့…. မိဘကျေးဇူး အကျေဆပ်နိုင်တဲ့ နည်းလမ်းတွေကို ငါဘုရားညွှန်ပြပါရစေ.. သဒ္ဓါတရားမရှိတဲ့ မိဘကို သဒ္ဓါ တရားနဲ့ပြည့်စုံအောင်၊ သီလမရှိတဲ့မိဘကို သီလပြည့်စုံအောင်၊ မပေးရက်မလှူရက် နှမြောဝန် တိုတဲ့ မိဘကို စွန့်ကျဲပေးကမ်းလှူဒါန်းခြင်းနဲ့ ပြည့်စုံအောင်၊ ပညာဉာဏ်မရှိတဲ့ မိဘကို ပညာ ဉာဏ်နဲ့ ပြည့်စုံအောင် ကောင်းစွာနာယူဆောက်တည်စေမယ်၊ လေးလေးနက်နက် သက်ဝင် စေမယ်၊ ခိုင်ခိုင်ခံခံတည်တံ့မြဲမြံစေမယ်ဆိုရင် မိဘကျေးဇူးကိုတုံ့ပြန်ပြီးသား အကျေဆပ်ပြီး သားဖြစ်သွားပါတယ်” လို့ ဟောကြားတော်မူထားခဲ့ပါတယ်။

မိဘကိုကျေးဇူးဆပ်တဲ့နေရာမှာ လောကနည်းနဲ့ကျေးဇူးဆပ်ခြင်း၊ ဓမ္မနည်းနဲ့ကျေးဇူးဆပ်ခြင်း ၂မျိုးရှိပါတယ်။ မိဘအတွက် ပြည့်စုံအောင်ဖန်တီးပေးတာ လောကနည်းနဲ့ကျေးဇူးဆပ်တာပါပဲ။ ရုပ်ဝတ္ထုတွေနဲ့ ကျေးဇူးဆပ်တာကြောင့် ရုပ်ပိုင်းဆိုင်ရာကျေးဇူးဆပ်နည်းလို့ ခေါ်ဆိုပါတယ်။ ရုပ်ပိုင်းဆိုင်ရာနဲ့တော့ ကျွန်မမိခင်ရဲ့ကျေးဇူးကို ကျွန်မဆပ်နိုင်မှာမဟုတ်ပါဘူး။ ဒါ့ကြောင့် ဘုရားဟောတဲ့ ဓမ္မနည်းနဲ့ ကျေးဇူးဆပ်ဖို့ ကြိုးစားလာမိပါတယ်။

ကျွန်မ မသိခင်က မိဘကျေးဇူးဆိုတာ ပြန်လည်ကျွေးမွေးပြုစုလုပ်ကိုင်ပေးခြင်းဖြင့် ကျေးဇူး ဆပ်ရတယ်ဆိုတဲ့ အယူအဆတို့ပျောက်ကွယ်လာပြီး၊ ကျွန်မမိခင်ကို ကျေးဇူးဆပ်နိုင်ဖို့ ကြိုးစား လာတော့တာပါပဲ။ ဒါ့ကြောင့်လည်း စာအုပ်ဖတ်တဲ့အကျင့်မရှိတဲ့ မိခင်ကို အရှင်ဆန္ဒာဓိကရဲ့ စာအုပ်လေးတစ်အုပ်ကိုစပြီး ပေးဖတ်ခဲ့သလို၊ တရားမနာတတ်ဖူးလို့ပြောတတ်တဲ့ မိခင်ကို ခုတရားတွေက အရင်တုန်းကလိုတရားတော်တွေလို ရွတ်ဆိုဟောကြားနေတာမျိုးမဟုတ်ပဲ နားလည်သဘောပေါက်လွယ်အောင် ဟောကြားပေးတဲ့အကြောင်းပြောရင်း စီဒီတရားချပ် တစ်ချပ်ကို နာယူဖို့ပေးခဲ့မိပါတယ်။

အခုဆိုရင် ကျွန်မအမေ တရားစာအုပ်မဖတ်ပေမယ့်၊ ဥပုသ်နေ့တိုင်း ဥပုသ်စောင့်တည်ပြီး တရားတော်များ နာကြားလာတာကိုတွေ့ရပါတယ်။ ဒါဟာ ကျွန်မပြောလို့မဟုတ်ပဲ သူ့အသိစိတ်လေးနဲ့ လုပ်လာတာဆိုရင်တောင် အမေ့ကိုကြည့်ရင်း ကျွန်မပျော်နေမိပါတယ်။ ဒီထက်မက အမေ့စိတ်ထား အမေ့အပြုအမူ ပုံသဏ္ဍာန်လေးတွေကိုလည်း နူးညံ့စေချင်မိ ပါတယ်။ ကျွန်မ အမေ့ရဲ့ကျေးဇူးတွေကို အကျေမဆပ်နိုင်ရင်တောင် အသက်ရှိနေစဉ်မှာ အမေ့ကို ကျေးဇူးဆပ်ခွင့် ဆက်ရမယ်ဆိုရင်ဖြင့် ကျေနပ်သွားမှာပါ။

ရှင်ဆန္ဒာဓိကရဲ့ နို့နှစ်လုံးဖိုးကျေပါတယ် စာအုပ်မှ ကိုးကားချက်များနဲ့ ဒီပိုစ့်ကိုရေးလိုက် ပါတယ်။ ၀ါကျွတ်မှာ ကျေးဇူးရှင်မိခင်ကို ကန်တော့ပန်းဆင်ရင်းပေါ့..။
ပုံကို google မှကူးယူပါတယ်။

သီတင်းကျွတ်လက်ဆောင်

မိဘကျေးဇူးအကျေဆပ်နည်း
စိတ်မထားတတ်တဲ့မိဘ
စိတ်ထားတတ်အောင်၊
စိတ်ထားတတ်ပြီးသားမိဘ
ပို၍ပို၍ စိတ်ထားတတ်အောင်
လမ်းညွှန်ဖေးမ ပေးရင်
မိဘကျေးဇူး ကျေပါတယ်။
ကုသိုလ်မလုပ်သေးတဲ့ မိဘ
ကုသိုလ်လုပ်အောင်၊
ကုသိုလ်လုပ်နေတဲ့ မိဘ
ပို၍ပို၍ ကုသိုလ်လုပ်အောင်
ကူညီပံ့ပိုးပေးရင်
မိဘကျေးဇူးကျေပါတယ်။
တရားမရှိသေးတဲ့ မိဘ
တရားရှိအောင် ၊
တရားရှိပြီးသား မိဘ
ပို၍ပို၍ တရားရှိအောင်
စွမ်းဆောင်ဖြည့်ဆည်းပေးရင်
မိဘကျေးဇူးကျေပါတယ် ။
ကိုယ့်ရဲ့ ကူညီပံ့ပိုးပေးမှုကြောင့် မိဘရဲ့ စိတ်ဓာတ်မြင့်မားမှုနဲ့  ကုသိုလ်တိုးပွားမှုက ဘ၀လွတ်မြောက်မှု အဆင့်အထိ တတ်လှမ်းသွားနိုင်ပြီ ဆိုရင် အဲဒီလို တတ်လှမ်းနိုင်အောင် ဓမ္မနည်းနဲ့ ကျေးဇူးဆပ်တဲ့ သားသမီးအနေနဲ့ မိဘကျေးဇူးကို အကျေဆပ်ပြီးသားဖြစ် သွားတော့တာပါပဲ။
http://www.newworldnanda.ning.com/
မှ သီတင်းကျွတ်လက်ဆောင် ဆိုတာလေးကို ကူးယူမျှဝေပါတယ်..။

အခြားတစ်ဖက်

ချစ်ခြင်းရဲ့အခြားတစ်ဖက်မှာ
မုန်းခြင်းတွေရှိနေမယ်..


ကြင်နာခြင်းရဲ့အခြားတစ်ဖက်မှာ
နာကြင်ခြင်းတွေရှိနေမယ်..


မှန်ကန်ခြင်းရဲ့အခြားတစ်ဖက်မှာ
လိမ်ညာခြင်းတွေရှိနေမယ်..


ရိုးသားခြင်းရဲ့အခြားတစ်ဖက်မှာ
ကောက်ကျစ်ခြင်းတွေရှိနေမယ်..


ယုံကြည်ခြင်းရဲ့အခြားတစ်ဖက်မှာ
သံသယဖြစ်ခြင်းတွေရှိနေမယ်..


ဒါကို ဆန့်ကျင်ဖက်နိယာမတွေလို့
သတ်မှတ်ထားမယ်ဆိုရင်..
မင်းအပြောတွေရဲ့ အခြားတစ်ဖက်မှာ
ဘာများရှိနေလိမ့်မလဲလို့ ငါတွေးမိနေဆဲ…။

ဆားတောင်ဆရာတော်၏ အဆုံးအမ

ဆားတောင်ဆရာတော် မကြာခဏမိန့်ကြားသည့်အဆုံးအမ စကားလက်ဆောင်ဖြစ်ပါသည်။

၁။ ဘယ်လိုပုဂ္ဂိုလ်ဖြစ်ဖြစ် တရားကတော့အားထုတ်ရမှာပဲ။ အားထုတ်ခွင့်ကြုံတုန်း အားထုတ် ကြ၊ သာသနာပပြီဆိုတော့ဝိပသာနာနဲ့တွေ့ရတာမဟုတ်ဘူး။ဒီတော့ပိုနစ်နာတယ်။

၂။ တရားအားထုတ်ဖို့တော့မအားဘူး။ မအားဘူးလို့ပြောကြတယ်။
သေချိန်ကျလာလို့မသေချင်သေးဘူးလို့ပြောလို့ရတာ မဟုတ်ဘူး။ မအားဘူးလို့ ပြောလို့ ရတာ မဟုတ်ဘူး။

၃။ တရားအားထုတ်တယ်ဆိုတာအားနဲ့မာန်နဲ့ထုတ်ရတယ်။ မသေချာမရေရာဘူးလို့ပြောလို့ ရတဲ့ အလုပ်တွေတောင်မှဟုတ်နိုးနိုးနဲ့သက်စွန့်စံဖျားလုပ်နေရတာပဲ။သေချာရေရာတဲ့အလုပ် ဘာပဲလုပ်စရာရှိလဲ။ ဆင်းရဲတစ်ဘ၀ပေါ့။ တစ်ဘ၀တောင်မှခဏလေးပါ။

၎။ ထိတိုင်းထိတိုင်း သိနေပါစေ။ ကိလေသာကြားမခိုစေနဲ့။

၅။ တရားအားထုတ်တယ်ဆိုတာတမင်းစားသလိုပဲ။ မဆာလည်းစား၊ ဆာလည်းစား။ စားကောင်းလိမ့်မယ်ထင်ပေမယ့် တကယ်စားတော့မြိန်ချင်မှမြိန်တာ။ မကောင်းဘူးထင်လို့ လည်း တကယ်စားတော့ မြိန်ချင်မြိန်တာ။ ဒီတော့မထုတ်ချင်လည်းထုတ်၊ ထုတ်ချင်လည်း ထုတ်ပေါ့။

၆။ ၀ိပသာနာ တရားအားထုတ်ရတာ အလွန်ကောင်းပါတယ်။ အ၀တ်လဲပြောင်းစရာမလိုဘူး။ ဂူထဲအောင်းစရာမလိုဘူး။ ပုထုဇဉ်စရိုက်မူပြောင်းဖို့လိုတယ်။

၇။ ကိုယ့်ခန္ဓာ ကိုယ်ရူနေတော့ အမူပွေတာပေါ့။

၈။ မ်ိမိခန္ဓာက ဖြစ်ပေါ်နေတဲ့ ဝေဒနာကိုသည်းခံရူမှတ်နိုင်မှ ပတ်ဝန်းကျင်ရဲ့လောကဓံကိုလည်း ခံနိုင်ရည်ရှိမှာပဲ။

၉။ တရားအားထုတ်တဲ့အခါ ကိလေသာကြာမခိုအောင် နှာသီးဝလေကို ထိတိုင်းသိနေပါစေ။
ထိတဲ့ပေါ် သတိထား၊သတိထားရင် တရားမြင်မယ်၊ သတိမထားရင် အမှားဝင်မယ်။

၁၀။ အရိယာသူတော်ကောင်းတို့ဆိုတာ ရုပ်ရယ်၊ နာမ်ရယ်၊ တရားရယ် ဒီသုံးဦးနဲ့ပဲ အဖော်ပြု နေတာပါ။ သူတို့မှာပျင်းတယ်မရှိပါဘူး။

၁၁။ လူ၏သာဓုခေါ်၊ နတ်သာဓုခေါ်လောက်နဲ့ ကျေနပ်တင်းတိမ် မနေကြနဲ့။ ဘုရား၊ ရဟန္တာ အရိယာပုဂ္ဂိုလ်တွေ ချီးမွမ်းတဲ့အထိ ဖြစ်ပါစေ။

၁၂။ ပထမတော့ တရားကို လူကဦးဆောင်တယ်။ နောက်တော့ တရားက လူကိုဦးဆောင် တယ်။ အဒီအချိန်မှာ လူက တရားနောက်လိုက်ဖို့လိုတယ်။

၁၃။ ခန္ဓာကတော့ သူ့တရားသူပြနေတာပဲ။ လောဘ၊ ဒေါသ၊ မောဟ ဖုံးနေတော့ ဘာမှမသိ လိုက်ရဘူး၊

၁၄။ အားကိုးမမှားစေနဲ့၊ မ်ိမိကိုယ်ကို အားကိုးရမယ်။

၁၅။ ဘာမဆ်ို အတွင်းက အေးနေအောင်လုပ်ရတယ်။ အပြင်ကဘယ်လောက်ပူပူ အတွင်းက အေးနေတော့အေးတာပဲ။ အပြင်က ဘယ်လောက်အေးအေး အတွင်းကပူတော့ ပူတာပဲ။

၁၆။ တရားနှင့်အိပ်စက်ခြင်း၊ တရားနှင့်နိုးထခြင်း၊ တရားနှင့်မွေ့လျော်ခြင်း၊ ဒါ အပ္ပမာဒ တရားပဲ။

၁၇။ လောကီချမ်းသာက တစ်ဘ၀တစ်နပ်စာ။ လောကုတ္တရာချမ်းသာမှ တစ်သံသရာလုံး အေးတာ။ တစ်ဘ၀တစ်နပ်စာလုပ်နဲ့။ တစ်ဘ၀သံသရာစာလုပ်ကြ။

၁၈။ မကောင်းတာလုပ်တာသာကြောက်ရမှာ။ ကောင်းတာလုပ်တာကြောက်စရာမလိုဘူး။ မကောင်းတာတောင် ရဲရဲလုပ်ရဲရင် ကောင်းတာလုပ်တာ ဘာမရဲစရာရှိသလဲ။

၁၉။ မဟုတ်လည်းသည်းခံ၊ ဟုတ်လည်းသည်းခံရမှာပဲ။ ခံရမည့်အတူတူတော့ အခုကတည်း က ခံလိုက်တော့ သံသရာပြတ်တာပေါ့။

၂၀။ လောဘ၊ ဒေါသ၊ မောဟကင်းအောင် ပြတ်အောင်လုပ်ကြ။ ဖြစ်အောင်လည်း မလုပ်နဲ့၊ ပျက်အောင်လည်းမလုပ်နဲ့။ ဖြစ်အောင်လုပ်တာ လောဘ၊ ပျက်အောင်လုပ်တာက ဒေါသ။ ဖြစ်တာပျက်တာ မသိတာက မောဟ။

၂၁။စိတ်ကဖြတ်လို့ပြတ်တာမဟုတ်ဘူး။ တရားက ဖြတ်မှပြတ်တာ။ တရားရှိအောင် အားထုတ်ကြ။ တရားရှိတော့ တရားကပဲဖြတ်ပေးတယ်။ ပြတ်ပေးတယ်။ ပယ်ပေးတယ်။

၂၂။ အမြတ်က မရူံးစေနဲ့၊ အရူံးကသာ မြတ်ပါစေ။ အကုသိုလ်က ကုသိုလ်ဖြစ်ပါစေ။ ကုသိုလ်က အကုသိုလ်မဖြစ်စေနဲ့။

၂၃။ ပုထုဇဉ်တွေ မကောင်းတာလုပ်တာများ အဆန်းလုပ်မနေနဲ့။ အခုလည်း မကောင်းတာလုပ်နေသလို နောင်လည်း မကောင်းတာလုပ်နေဦးမှာပဲ။ သူတို့မကောင်းတာ ကိုယ်နဲ့ဘာဆ်ိုင်သလဲ။ ကိုယ့်တရားကိုယ်ရူဖို့ပဲလိုတယ်။

၂၄။ ဘုရားစကား နားလည်အောင်လုပ်၊ ဘုရားစကားနားလည်ရင် လောကစကားတွေအားလုံး နားလည်တယ်။

၂၅။ နိဗ္ဗာန်မဂ်ဖိုရလိုကြောင်း ဆုတောင်းခဲ့တာများပြီ။ ၀ိဇ္ဇာဥာဏ်မပါ၊ ဓမ္မတာတောင်းမို့၊ အာညောင်းရုံပဲ မောဖတ်တင်မည်။ ဒါနပြုကာ အခါခါတောင်းလဲ၊ ငါကောင်းချင်မှု ခုခံနေသည်။ ငါတစ်လုံးပယ်ကာ၊ ကွယ်ကာပေးမှ လွန်စွာမနှေး နိဗ္ဗာန်မြင်မည်။

ကူးယူမျှဝေပါသည်။