ဒီနေ့ ကျွန်မမွေးနေ့ပေါ့

တစ်နှစ်မှာ ၃၆၅ရက်တဲ့။ ပြောတော့အများကြီးလိုပဲ ထင်မိတာ၊ တကယ်တော့ အဲဒီ ၃၆၅ရက်ကြီးက ကုန်လွယ်လှပါလားလို့….။ ဒီတစ်နှစ် ကိုယ့်မွေးနေ့တော့ ကိုယ်က ထူးထူး ခြားခြား မြန်မာလိုမွေးနေ့လေးလည်းရှိတာကြောင့် ထူးခြားတာလေးလုပ်မယ်လို့ တွေးထား တာပေါ့ (မွေးနေ့ပွဲမဟုတ်ပါဘူး)။ အတွေးကအတွေးပါပဲ၊ တကယ်မှမဖြစ်သေးတာ။ (ဘယ်အရာမှ ကြိုမမြင်နိုင်ဘူးဆိုတာ လက်ခံလာပြီးတဲ့နောက်) ကျွန်မလည်း တစ်ခုခုလုပ်ဖို့ ကြံရွယ်ထားပြီ ဆိုရင် ဘယ်သူကိုမှ သိပ်အတိအကျကြီး မပြောတတ်တာတော့ကြာခဲ့ပါပြီ။ ဘာလို့လဲဆိုတော့ တစ်ဖက်လူရဲ့အမြင်မှာ ကျွန်မက ဂတိမတည်တဲ့သူ၊ စကားကိုအလွယ်တကူ ပြောတတ်သူလို့သတ်မှတ်မှာ စိုးတာလည်းပါပါတယ်။ ကိုယ်ကိုယ်တိုင် မလုပ်နိုင်ခဲ့တော့ ဘယ်အရာမဆို သူတပါးအကူအညီကလိုတယ်လေ။ အဲတော့ အဲဒီသူများဆိုတဲ့ တစ်ဖက်လူ ကို အတိအကျဘာကိုမှမပြောရဲဘူး။ အမြဲတမ်း စကားပလ္လင်ခံရတယ်။ နေကောင်းရင် အခြေအနေပေးရင် စသည်ဖြင့်ပေါ့…။

ထူးထူးခြားခြား ကိုယ့်အစီအစဉ်ဆိုတာက ကိုယ်သွားချင်တဲ့ ရွှေဥမင်ရိပ်သာလေးမှာ ကိုယ်တတ်နိုင်သလောက်လှူရင်း တစ်နေ့တာ တရားထိုင်နိုင်သလောက် တစ်ချိန် နှစ်ချိန် ဆိုသလို တစ်နေကုန်နေမယ်ဆိုတာပါ။ ဒါပေမယ့် အကြံအစည်လေးလည်းပျက်သွားခဲ့ပါတယ်။ တိုက်တိုက်ဆိုင်ဆိုင် အဲဒီရက်ရောက်ခါနီးမှ ကျန်းမာရေးက ချက်ချင်းဆိုသလို မကောင်းပြန် တာကြောင့် ကိုယ့်ရဲ့ အစီအစဉ်လေးလည်း စိတ်ကူးလေးနဲ့တင် ကွယ်ပျောက်သွားခဲ့ရတယ်။ စိတ်ကူးတုန်းကတော့ အတွေးထဲမှာတင် ပျော်သလိုလိုတောင်ဖြစ်မိတယ်။ ရိပ်သာလေးမှာ သွားနေမယ်ဆိုတော့ အေးအေးချမ်းချမ်းလေးပေါ့ ရောက်ချင်တဲ့ သူငယ်ချင်းတစ်ယောက်ကို လည်း ကားမောင်းပို့ခိုင်းရင်း…။

ကျွန်မရဲ့ မြန်မာလိုမွေးနေ့က ဒုတိယ၀ါဆိုလဆုတ် ဖြစ်တာကြောင့် ၀ါထပ်မှသာ မြန်မာလို မွေးနေ့ဆိုတာရှိပါတယ်။ ၀ါထပ်တာကသုံးနှစ်မှတစ်ခါ၊ ဒါ့ကြောင့်လည်း မြန်မာလိုမွေးနေ့လေး မှာ ဆိုတဲ့အတွေးနဲ့…။ ဖြစ်မလာခဲ့တော့လည်း မတတ်နိုင်တော့ဘူးပေါ့။ အဲဒီနေ့က ဖွားဖွားနဲ့ အမေတို့ ၀ါဆိုသင်္ကန်း ကပ်ဖြစ်သွားတာကိုပဲ သာဓုခေါ်လိုက်ရတယ်။

အရင်တုန်းကဆိုရင် စိတ်ကြီးတယ်လို့ပြောရမလားမသိဘူး ကိုယ်လုပ်ချင်တာကို မလုပ်ရရင်၊ ကိုယ်မျှော်လင့်တာမျိုးဖြစ်မလာခဲ့ရင် မကျေမနပ်တွေဖြစ်လို့ ဒေါသတွေထွက် စိတ်တိုလို့…။ ဘာလို့လုပ်မရတာလဲ၊ ဘာလို့ဖြစ်မလာတာလဲ…။ ကိုယ်လိုချင်တာ ကိုယ်ဖြစ်ချင်တာကိုပဲ သိခဲ့တယ်။ လုပ်ရရမယ်၊ ဖြစ်ရမယ်လို့ပဲ တထစ်ချကိုယ့်စိတ်ထဲထင်တာကိုး။ ငယ်ငယ်တုန်းက ဆိုရင် ပိုဆိုးတယ်။ အမေက ကျောင်းပိတ်ရက်ကို တိရိစ္ဆာန်ဥယျာဉ်ပို့မယ် အနီးအနား ခရီးထွက်မယ် စသည်ဖြင့်ပေါ့လေ မပြောလိုက်နဲ့ ပြောလိုက်ရင် ကိုယ်က အဲဒါကို တရားသေ မှတ်ထားပြီး အဲဒီနေ့ကို လက်ချိုးပြီးစောင့်န်ေခဲ့တာ။ အကြောင်းကြောင်းကြောင့် အမေပြော သလိုဖြစ်မလာခဲ့ရင်လည်း အရမ်းစိတ်ဆိုးပြီး မစားနိုင် မသောက်နိုင်ပေါ့။ အဲလိုကိုဖြစ်ခဲ့တာ…
ဒါကြောင့် ငယ်ငယ်တုန်းကအကြောင်း ပြန်တွေးမိတိုင်း ကိုယ်မကောင်းတာတွေက ပြန်ပေါ် လာတော့တယ်။ အတော်ဆိုးခဲ့တဲ့ငါပဲလို့ ပြန်မြင်လာရတယ်။

ခုတော့ အဲဒီအကျင့်ဆိုးတွေကို ကြိုးစားပြီးပြုပြင်ခဲ့ရတယ်။ အသက်တွေကလည်း ကြီးပြီကိုး။ တစ်နှစ်တစ်နှစ်ဆိုတဲ့အချိန်က ငယ်ငယ်တုန်းကထက်စာရင် ပိုပြီးမြန်သလို၊ တိုတောင်းလာ တယ်။ တစ်နှစ်တစ်နှစ်ဆိုတဲ့ မိုင်တိုင်တွေကိုဖြတ်ကျော်နေရတဲ့ ကျွန်မတို့တစ်တွေဟာလည်း ခရီးရှည်ကြီး တစ်ခုကို မမောတမ်းသွားနေရသလိုပါပဲ။ အဲဒီခရီးရှည်ကြီးမှာ ပျော်ရွှင်ခြင်း တွေရှိမယ်၊ ၀မ်းနည်းခြင်းတွေရှိမယ်၊ နာကျင်ခြင်းတွေရှိမယ်၊ ချစ်ခြင်းတွေရှိမယ်၊ မုန်းတီးခြင်း တွေရှိမယ်၊ အောင်မြင်ခြင်းတွေရှိမယ်၊ ဆုံးရှုံးခြင်းတွေလည်းရှိမယ်၊ အမှတ်တရတွေရှိသလို၊ အမှတ်တမဲ့တွေလည်းရှိမှာပါပဲ။ ဒီလိုနဲ့ပဲ ဘ၀ခရီးရှည်ကြီးကို တဘူတာပြီး တဘူတာဆိုက်ကြ ရင်း၊ ပြန်ထွက်ကြရင်းပေါ့…။

မှတ်ချက်။ ။ ဘာရယ်မဟုတ်ပါဘူး။ လက်နာတာလေး နည်းနည်းသက်သာတာနဲ့ မွေးနေ့ အမှတ်တရ စိတ်ထဲရှိတာတွေ ကောက်ရေးချမိတာပါ။း))

ဒီနေ့ ကျွန်မမွေးနေ့ပေါ့
သြဂုတ်လ ၃ရက်နေ့မှာ
မေမေ မွေးဖွားပေးလိုက်လို့
လူ့လောကကြီးထဲကို
ရောက်လာခဲ့ရတယ်။

ဒီနေ့ ကျွန်မမွေးနေ့ပေါ့
မေမေပြောလို့သိခဲ့ရတယ်
သြဂုတ်လ ၃ရက်နေ့
တနင်္ဂနွေနေ့ဟာ သမီးမွေးနေ့တဲ့။

ဒီလိုနဲ့ လောကကြီးထဲရောက်လာ
အသိအလိမ္မာရစေဖို့
ပညာတွေသင်ကြားပြီး
လူလားမြောက်ခဲ့ရ…။

ဘ၀အကြောင်း
လောကကြီးအကြောင်း
လူတွေရဲ့အကြောင်းကို
လေ့လာသိရှိရင်း
ကြီးပြင်းလာခဲ့ရ…။

ပျော်ရွှင်ခြင်း ၀မ်းနည်းခြင်း
ချစ်ခြင်း မုန်းခြင်း
နာကျင်ခြင်း ကြင်နာခြင်း
လွမ်းဆွတ်ခြင်း တမ်းတခြင်းတွေ
ကို ခံစားရင်းပေါ့...။