လူတိုင်းနှစ်သက်သောဂုဏ်

ရိုးသားဖြောင့်မတ်သောဂုဏ်ကို လူတိုင်းနှစ်သက်ကြပါသည်။ ကောင်းသောသူများကို မဆို ထားနှင့်မကောင်းသောသူများပင်လျှင် ရိုးသားဖြောင့်မတ်သောသူကို နှစ်သက်တတ်ကြသည်။ လူတို့ သည်အဆင့်အတန်းအနိမ့်အမြင့်၊ ဆင်းရဲချမ်းသာကွာခြားမည်။ မိမိနာမည်၊ ဂုဏ်သတင်း သမိုင်းတွင်ကျန်ရစ်သည်ကိုတော့အလိုရှိကြသည်သာဖြစ်ပါ၏။

ခန္ဓာကိုယ်နှင့် ဂုဏ်ကျေးဇူး၏ ခြားနားချက်ကားကြီးမားလှ၏။ ခန္ဓာကိုယ်သည်သေပြီးခဏနှင့် ပျက်စီးသောလည်းဂုဏ်ကျေးဇူးကား ကမ္ဘာဆုံးသည့်တိုင်အောင်မပျက်စီးဟုဆိုလိုပါ၏။ ဟင်း မှန်သမျှအရသာရှိရန်အတွက် အခေါင်အချုပ်သည်ဆားဖြစ်သကဲ့သို့ လောက၌ရှိသမျှဂုဏ် ကျေးဇူးတို့ တန်ဖိုးတက်ရန်အတွက် အခေါင်အချုပ်ကားရိုးသားဖြောင့်မတ်ခြင်းဖြစ်သုည်။မည်မျှ ကောင်းသောဟင်းဖြစ်ပါစေ၊ ဆားမပါလျှင်ဘယ်လိုမှ အရသာမရှိနိုင်သကဲ့သို့ ရပ်ရွာကောင်း ကျိုး နိုင်ငံအကျိုးဆောင်ရွက်ခဲ့သော ပုဂ္ဂိုလ်ပင်ဖြစ်စေ စာရိတ္တချို့ ယွင်းသွားသည်နှင့် သူ၏ ကောင်းခဲ့သောလုပ်ဆောင်ချက်မှန်သမျှသည်ဘာမှတန်ဖိုးမရှိတော့ချေ။

ရိုးသားဖြောင့်မတ်မှုတစ်ခုတည်းနှင့်ပင် လူတစ်ယောက်အတွက်အထွဋ်အထိပ်ရောက်နိုင် ကြောင်း ဓမ္မာစရိယ ဦးဌေးလှိုင်က `လုပ်တာကိုင်တာ၊ ပြောတာဆိုတာ နောက်ဆုံး နှလုံးစိတ် ၀မ်းထဲကိုကရိုးသားရ၏။ အရိယာပုဂ္ဂိုလ်တို့ ၏အလုပ်ဂုဏ်မှာလည်း ဥဇုပ္ပဋိပန္န၊ ရိုးသားစွာပြော ဆိုနေထိုင်လုပ်ကိုင် ကြံစည်ခြင်းပင်မဟုတ်ပါလော။ ဤရိုးသားခြင်းသည်ကိုယ်ကျင့်တရား (သီလ) အားလုံးပါဝင်နေသဖြင့် လောက၌ ဤအရည်အချင်းတစ်ခုတည်းနှင့်ပင် အရာရာ အထွဋ်အထိပ်ရောက်နိုင်၏။ ရိုးသားမှုသည် ထိုမျှလောက်တန်ဖိုးကြီး၏။ အရိယာတို့ ၏နေ နည်းပေတည်း။ ရိုးသားမှုအ တွက်အထွဋ်အထိပ်ရောက်သူကိုပင် အရိယာဟုခေါ်ရ၏။ `ဟု ဖော်ပြခဲ့ပါသည်။

အင်းဝခေတ်က တောင်ဖီလာဆရာတော်ဘုရားကြီးသည် ခွေးများကိုအစာကျွေးရင်းဖြင့်၊ ကြီး သောခွေးကငယ်သောခွေးကို အနိုင်ကျင့်ပြီးကိုက်သောအခါ တဟဲ့ဟဲ့ဖြင့်မောင်းနေရ၏။ တစ် ချို့ ခွေးကြီးများကဘယ်လောက်မောင်းမောင်းမရ၊ ပိုဆိုးလာ၏။ ထိုအခါ ဆရာတော်ကြီးသည် စိတ်တိုသွားသဖြင့် တောင်ဝှေးကိုကိုင်မြှောက်ရင်း ‘ တယ်..ဒီခွေးတွေရိုက်လိုက်ရ၊ ငါပါသုံး ကောင်ဖြစ်သွားရော့မယ်’ ဟုညည်းတွားရှာလေသည်။

ယခုဆုတ်ကပ်ခေတ်ကြီးတွင်လည်း မကောင်းသောသူများ များလာသောအခါ၊ အနည်းစုဖြစ် သောကောင်းသောသူများက မထူးပါဘူးကွာ သူများမိုးခါးရေသောက်၊ ကိုယ်လည်းသောက် တာပဲကောင်းပါတယ်ဆိုပြီး မကောင်းတာကိုလုပ်မိသွားကြသူကများ၏။ ထိုသူမျိုးကား မိမိ ကိုယ်ကို သုံးကောင်ဖြစ်စေသူများသာဖြစ်ကြပါ၏။

မိမိက်ိုယ်ကိုသုံးကောင်ထဲမပါအောင်ထိန်းသိမ်းနိုင်သော စာရိတ္တသတ္တိရှိသူ၊ (ရိုးသားသူ) များ ဖြစ်ကြစေဖို့ ကြိုးစားစေလိုပါသည်။ ရိုးသားဖြောင့်မတ်ခြင်း (စာရိတ္တသတ္တိ) ၏အဓိကရန်သူမှာ အလိုလောဘကြီးခြင်းသည်သာဖြစ်သောကြောင့်၊ မိမိတို့ သည် အလိုလောဘနည်းအောင်ကြိုး စားခြင်း၊ သူတစ်ပါးကို မနာလိုသော ကုဿာမစ္ဆရိယမဖြစ်စေဖို့ ကြိုးစားနေထိုင်ကြရမည်သာ..။

မေတ္တာရှင်ဆရာတော်(ရွှေပြည်သာ)၏ဘ၀နှင့်ရင်းရသောအတွေးအမြင်များ(အတွဲ၁) မှကောက်နုတ်ကူးယူရေးသားထားပါသည်။
မ အနမ်း