စောင့်တတ်သူ

ဟိုးရှေးရှေးတုန်းက လိပ်မိသားစုတစ်စုဟာ ပျော်ပွဲစားထွက်ဖို့ ပြင်ဆင်ကြပါတယ်။ သူတို့သဘာဝကို က နှေးကွေးတဲ့လိပ်တွေဟာ ပျော်ပွဲစားထွက်ဖို့ ပြင်ဆင်တာလည်း ၇နှစ်တောင်ကြာပါတယ်တဲ့။ နောက်ဆုံးတော့ လိပ်မိသားစု အိမ်ကထွက်လာပြီး သင့်တော်တဲ့ နေရာကို ရှာကြပါတယ်။

ထွက်လာပြီး ၂နှစ်အကြာမှာတော့ သူတို့အတွက် အကောင်းဆုံး နေရာတစ်ခုကို ရှာတွေ့သွားကြ ပါတယ်။ အဲဒီနေရာကို သန့်ရှင်းရေး လုပ်တာတို့ ပျော်ပွဲစားအတွက် စားစရာတွေက်ို ခြင်းတောင်း ထဲကထုတ်ပြီး ပြင်ဆင်တာတို့ကိုတော့ ၆လအကြာမှာ ပြီးစီး သွားပါတယ်။ အဲဒီအခါမှာ သူတို့ ဆား မေ့ကျန်ခဲ့တာကို သိလိုက် ရပါတယ်။

ဆားမပါတဲ့ ပျော်ပွဲစားက ဘယ်လိုမှ ကောင်းမှာမဟုတ်ဘူးလို့  သူတို့ ထင်တယ်။ အဲဒီကိစ္စကို အကြာကြီး ဆွေးနွေးအပြီးမှာတော့ အငယ်ဆုံးလိပ်ကလေးကို အိမ်မှာ ဆားပြန်ယူဖို့ တာဝန်ပေး လိုက်ကြပါတယ်။ မိသားစုထဲမှာ အမြန်ဆုံးဖြစ်တဲ့ လိပ်ကလေးဟာ လူးလိမ့်ပြီး ငိုယိုပါတော့တယ်။ နောက်တော့ ဂတိတစ်ခုတောင်းပြီးမှ သွားမယ်လို့ သဘောတူပါတယ်။ ဂတိကတော့ ဘယ်သူမှ သူ ပြန်မရောက်မချင်း အစားအသောက်တွေကို မစားပါဘူးဆိုတဲ့ ဂတိပဲ။

တစ်မိသားစုလုံးက သဘောတူတော့မှ လိပ်ကလေး ထွက်သွားပါတော့ တယ်။ သုံးနှစ်ကြာတဲ့ အထိ လိပ်ကလေး ပြန်ရောက်မလာပါဘူး။ ငါးနှစ်၊ ခြောက်နှစ်၊ ခုနှစ်နှစ်မြောက်တဲ့ အခါမှာတော့ အသက်အကြီးဆုံး လိပ်ကြီး ဗိုက်ဆာတဲ့ဒဏ်ကို မခံနိုင်တော့ပါဘူး။ ဒါကြောင့် သူကတော့ စားတော့မယ်လို့ပြောပြီး အသားညှပ်ပေါင်မုန့်ထုတ်ကို ဖွင့်လိုက် ပါတော့တယ်။ အဲဒီအချိန်မှာပဲ လိပ်ကလေးက သစ်ပင် အနောက်ကနေ ရုတ်တရက်ထွက်လာပြီး အော်ပြောလိုက် ပါတယ်။

"တွေ့ လား၊ သားကိုစောင့်ကြမှာ မဟုတ်ဖူးဆိုတာသိသားပဲ၊ တော်ပြီ ဆား သွားမယူတော့ဘူး..."

လူတစ်ချို့ ဟာ တစ်ခြားလူတွေကို ကိုယ်မျှော်လင့်ထားသလို လုပ်ပေးဖို့ စောင့်မျှော်ရင်းနဲ့ပဲ ကိုယ့်အချိန်တွေကို ဖြုန်းပစ်တတ်ကြတယ်။ သူများတွေ ဘာလုပ်သလဲဆိုတာကို အလေးထား စိတ်င်စားနေရင်းနဲ့ပဲ ကိုယ့်အတွက်တောင် ဘာမှမလုပ်ဖြစ်လိုက်ကြဘူး။ ဒီပုံပြင်လေးကို ဖတ်ပြီး သင်ခန်းစာယူနိုင်ဖို့ အချိန်ကို တန်ဖိုးရှိရှိအသုံးချကြဖို့ ကိုမျှော်လင့်ရင်း မေးလ်ထဲကနေ ကျွန်မ အစ်မ ပေးပို့ ပေးတဲ့ ပုံပြင်လေးကို ပြန်လည်ရေးသားလိုက်တာပါ။

ပုံပြင်လေးကို ဘာသာပြန်ထားတာကတော့ ညီမငယ်ရွှေပြည်သူပါ။ သူ့ ရဲ့ ဘလော့မှာလည်း တင် ထားတယ်လို့သိရပါတယ်။

1 ယောက်ဆွေးနွေးချက်:

kiki said...

၂.၅+၇= ၉.၅ နှစ်ကျော်အထိ မပုတ်သိုးအောင်အထားခံတဲ့ အဲ့ဒီအသားညှပ်ပေါင်မုန့် မျိုး ဘယ်မှာရနိုင်မလဲ လို့  သိချင်ပါတယ် မအနမ်းရေ ။။